كام واحد من المدونين جاله إنفلونزا الإنيموس؟؟؟
ده أخطر مرض بيصيب المدونين
Anonymous says
وهاتك يا شتيمة على سبيل المثال لا الحصر
إيه القرف ده، إيه اللى إنت كاتبه ده، إيه التخريف ده،.......... إلخ إلخ إلخ وده أكتر كلام مؤدب حاولت أكتبه
أنا مش عارف إيه الناس دى وبتعمل كده ليه طب يا سيدى الإنيموس لو عاوز تنصحنى مايبقاش على الملأ لإن النصيحة على الملأ فضيحة وعندك الميل بتاعى يا عم على المدونة قبح فيه زى ما إنت عاوز بس بلاش قدام الناس علشان فيه ناس محترمة مابتحبش تقراه الكلام ده ولو كل ما هاتدخل على المدونة تلاقى عليها كلام قبيح مش هاتدخل تانى ولو عاوز تشتمنى يا عم فأحب أفكرك إن العيب لو طلع من أهل العيب مايبقاش عيب...
بس على العموم إنت إنسان جبان لإنك بتضرب فى الضلمة وبتضرب فى الضهر لإنك أضعف من إنك تواجهنى فى وشى
يا جماعة أنا اتضايقت جداً من الإنيموس ده لإنى للأسف بلاقيه فى كل مدونة أدخلها وأخيراً لقيته عند نوارة نجم وعند بنت خيخة وأى كلام وأتضايقت جداً من اللى قريته.
علشان كده عندى ليكم رجاء
لما أى واحد مننا بيبقى قاعد كده فى بيته وبيتفرج على التليفزيون وجه أخوه الصغير ووقف قدامه هايعمل إيه؟؟؟
هايقوله أوعى كده يا رخم إنت ويكمل باقى الفيلم ..... صح؟؟؟
علشان كده يا أخوانا اللى يجيله إنفلونزا الإنيموس يحذف تعليقه ومايعبروش خالص بس يقول أنا كان عندى إنفولنزا وعالجتها الحمد لله لإنه لو عبره يبقى اداله قيمة وخلاه بنى آدم وهو أصلاً مايستاهلش وعاوزنا نتنرفز ونشتم علشان نبقى زيه مصابين بالإنفلونزا ولو عملنا كده يبقى هو اللى انتصر علينا واحنا اللى خسرنا....
مش كده ولا إيــــــــــــــــــــــــــــه!!!!
.
.
.jpg)
هناك 8 تعليقات:
لا دى معضله الزمن اناالحمد لله لاغياه الهباب ده من عندى وغير كده كلامك صح لو عاوز انصح حد ممكن اقول باسمى وبطريقه كويسه بس فيه ناس معلش لسانه بياكل سورى رابش من الشوارع فهما كده متقدرش تنضفهم
أنا لغيت خاصية التعليقات المجهولة من عندي علشان كده
أنا الأول كنت بامسح التعليقات قليلة الأدب و ارد أو ما أردش على حسب التعليق نفسه
لكن لقيت إني اريح دماغي احسن
و اللي عايز يعلق عندي عمل الأكاونت مش حيآخد منه 5 دقايق
اول مره ادخل بلوجك اتشرفت بك
عادي طول عمري بانفض للناس دي
يشتم ولا يتفلق ناخد ثواب على قفاه يا فندم
لوما عندوش حسنات ياخد من سيئاتنا اكيد هايلاقي
تحياتي لك
Appy هانم
فيه أغنية شهيرة عندنا احنا الشباب بنغنيها لما نكون قاعدين لوحنا بعيد عن البنات بتقول كلماتها
لا لا لا لا لاه
أنا كنت ماشى فى الشارع
لا لا لا لا لاه
دوست على حتة لالاه
لا لا لا لا لاه
مسحت رجل البنطلون
لا لا لا لا لاه
ولسه فى ريحة لالاه
غسلت رجل البنطلون
لا لا لا لا لاه
ولسه في ريحة لالاه
قطعت رجل البنطلون
لا لا لا لا لاه
ولسه فى ريحة لالاه
حرقت رجل البنطلون
لا لا لا لا لاه
ولسه في ريحة لالاه
وأتارينى
لا لا لاه
ماسك اللاله بإيديا ماسك اللاله وآه من اللاله يا حبيبى آه من اللاله يا عينيا
وإيييييييييييه
------------
مهندس مصرى
نفس النتيجة اللى وصلت ليها Appy
بس مش عارف إنت تعرف الغنية دى ولا لأ
-----------
صبرنى يا رب
ههههههه
هو من ناحية هايلاقى سيئات فهو هايلاقى هايلاقى الحاجات دى عمرها ما أنقطعت من السوق يعنى مش هايروح يسال بره وأسعارنا بتنافس الجميع
تشرفنا يا فندم بمعرفتك ويا ريت ما تقطعى التعليقات
----------
تحياتى
أيوه عارف الأغنية دي
عيب عليك
حبيب قلبى والله
يا باشمهندس يا مصرى
تحياتى وإعجابى الشديد بأفكارك وتعليقاتك
طبعاً ماحنا نقابة واحدة
ومصير واحد
وربنا يتمملك بخير يا رب
بس إبقى أعزمنا على الفرح
اكيد كل مدون هيوافق الرأي ده
لان دي فعلا مشكلة عامة عندنا كلنا
والحمد لله موضوع الشتيمة ده محصلش معايا كتير
يمكن جالي مرة او مرتين واحد بيستظرف
إنما مطولش لسانه والحمد لله
وده افتكر خلال مدة تدوين داخلة على سنة ونص
أفتكر ده نجاح ساحق والحمد لله
أن ميكونش في ناس مخنوقه مني بالرغم من ان الجماعة دول مخنوقين أساسا من نفسهم
المهم مطولش عليك قول طول
حتى الناس الغير معرفين اللي بيتكلموا كويس بكون مضايق شوية لأن بيكون نفسي اعرف مين همه حتى لو كلامهم في صلب الموضوع
ويمكن من أغرب الحاجات اللي جاتني من فترة كده
حد بيقولي متهيئلي أني أعرفك
ياريت لو تقول بياناتك الشخصية علشان أتأكد أني أعرفك ولا لأ
وأتنشر ليك حاجات قبل كده ولا لأ
وبالرغم من انه مكتبش اسمه
قولت طاقة القدر اتفتحت وباين في حد عايز يتبناني
ومكدبتش خبر واتكلمت بشكل موجز كده يعني
إنما مع الأسف ولا حد رد عليا
وسيحت لنفسي على الفاضي
معلش بقى الكلام اخدني وعيشت مع نفسي شوية
ودمتم
وليد
لسه مجتليش الانفلونزا دى الحمد لله :)
مرسيى لزيارتك المدونة
إرسال تعليق