النهاردة يا جدعان أنا هاتكلم عن خطاب السيد المحترم / نتنياهو ذو الشخصية القوية والحاكم بأمره
توصيات نتنياهو كده على السريع
أولاً
إقامة دولة فلسطينية منزوعة السلاح
ثانياً
الأعتراف بالدولة الإسرائيلية اليهودية
ثالثاً
عدم عودة اللاجئين إلى الأراضى المتبقية للفلسطينيين
توصياتى انا بقى كده على السريع
بالنسبة لأولاً
نعمل دولة فلسطينية أرخبيلية يعنى تتكون من عدة تجمعات فى العديد من دول العالم أكنها جزر يعنى ويكون مقرها فى جزيرة نائية فى المحيط القطبى الجنوبى
بالنسبة لثانياً
الاعتراف ببنت الخطيئة اللى هيه الدولة الإسرائيلية وأمه تبقى الدول العربية وأبوه أمريكا معلش المفروض يبقى العكس بس لقيتها مش هاتبقى معبرة
بالنسبة لثالثاً
انظر الوصية الأولى
والسلام عليكم ورحمة الله وبركاته
.
.
هناك 6 تعليقات:
حرام عليك يا شيخ
القطب الجنوبي
و جزر
وين رايح تودينا . شو عاملينلك احنا لهالدرجة
لا يا سيدي خليلك اقتراحاتك و خلينا بفريق الكشافة اللي بدو اياه نتن بيك
هههههههه
عزيزتى جفرة
طبعاً يا ستى أنا بسخر من واقعنا الأليم ومن السيد النتن اللى مفيش حاجة مريحاة خالص
والله حاجة تخلى الواحد يجفر
ههههههههههههه
سيبك إنتى من ده كله
المهم إنك نورتينا
تحياتى ليكم وتحياتى لأهل الكويت اللى لسه ما زورتهاش
لا جديد..بنسمع وحنسمع في الكلام ده لسنين جاية كتير
:)
تحياتي
micheal
هانعمل إيه بس يا عمنا أدينا بنتكلم وبنقول اقتراحات يمكن فى يوم من الأيام يقولوا ميخو قال
ههههههههههه
نورتنى يا ريس
تحياتى
تصدق فكره فى الجون
وبعدين قولى انهى دوله عربيه اللى هتبقى امها قابل بقى الاسئله الخبيثه
آبى هانم
أكيد طبعاً كل الدول العربية هاتتخانق عليها أصل كلهم طمعانين فى البوكسر الأمريكانى ههههههههههههه
طبقاً لما جاء فى بوست الجواز واللى عاوزينه فى مدونتك اللذيذة يمكن تلاقى الإجابة
ساعتها بقى مش عارف أمريكا هاتفتكر مين ولا مين
تحياتى
إرسال تعليق