لولولولولولولولووووووووووووووووووووووى
صباحية مباركة يا عريس لولولولولووووووى
صباحية مباركة يا عروسة لولولولولووووووى
والنبى ياختى فرحتلك قوى ..... وبعد كل المقدمات تخش فى حتة علشان تستفرد بيها وتعرف إيه الأخبار وهنا بقى تبقى العروسة نوعين نوع يشد العريس من أول نظرة ويكونوا مع بعض زى السمنة على العسل وكل الناس تبقى عاوزة تشوفهم وتعرف أخبارهم وتفرحلهم وتباركلهم...
أما بقى النوع التانى بعيد عن الآريين تبقى العروسة برضه بتشد العريس بس لتحت لأسفل سافلين ويكونوا مع بعض زى النار والبنزين عمرهم ما يتفقوا أبداً ومحدش يحب يشوفهم ولا يفرحلهم خالص...
أنا ومدونتى
واخدين بعض على حب متجوزين من أسبوعين بس والموضوع ده البكرى بتاعنا وعقبال ما نخاويه كده إن شاء الله ادعولى.........
هناك 4 تعليقات:
ههههههههههههه
مبروك يا عريس
اللااااااااااااااااااه فيك الخير والله ….فكرتني باول يوم جواز(( يوم الصباحية يعني)) …. قمت بقى لقيت جوزي جايبلى بقسماطايه وجبنة رومي آكلها … يا بنتى كلى … لا مش عايزة… وانا طبعا هموووووووووت وآكل ..جعانة جداااااااااا … يوم الحنة كله شغالة رقص لحد ما وقعت من الجوع…. أجي يا ربي من يوم وليلة الاقي راحل غريب ناططلى بيقولى كلي … ما طبعا لازم تتسد نفسي … بس طبعا كلت … أموت يعني …. وطبعا كعادة اى ام من امهاتنا اللى مالهمش زي فى اى حتة اتصلت بيا … هه مبسوطة يا حبيبتي … مبسوطة يا ماما … طب عايزة حاجة أى حاجة قولى بس…لا يا ماما والله ربنا يخليكي….اوعى تزعلي جوزك اوعى تزعليه يا بنتي ..ده طيب والله …. قاطعتها وقلتلها حاااااااااااضر يا ماما وطبعا ماما حست انى بقفل عليها (( مش فاهمة ليه)) و انى مش عايزة اكلمها (( قال يعني جوزي وحشني قوي)) زعلت خالص ... قلت مش مهم .. اى ام كده بتبقى حاسة ان بنتها بعد الجوازخلاص مش محتاجه حنانها (( طبعا دي حقيقة )) بس ما علينا راضيتها بكلمتين وضحكت معاها … شوية وقالتلى خدى اختك عايزة تكلمك ..فرحت قوي … قلتلها ازيك عاملة ايه وحشتيني عرفتي تنامي ازاى من غيري …قالتلى اسكتى… اتفرجنا على شيكامارا… تحفة …ده احنا هنموت من الضحك….. بالذمة ده بيت … متجمعين سعادتهم بيتفرجوا على فيلم وانا اول ليلة ابات بره بعيد عنهم .. جوزونى ورموني كده عادي خالص… ولا فارقة معاهم … كلبة وطلعت من البيت … ده حتى والله كان عندنا كلب صغير معفن كده مربيينه فى المنور اتخطف ماما عيطت عليه واخويا قعد يدور عليه لحد ما حفي …. انا عارفة ايه البيت ده … ربنا تاب عليا الحمد لله…واللى قارهني بقى انى باسالها جه على قناة ايه قالتلى لا ده ع الكمبيوتر … يعني حتى ممكن يشوفوه فى اي وقت … حبكت يعني يوم الفرح …والله كنت عايزة ارزع السماعة فى وش اختي واروح لجوزي حبيبي … عرفت قيمته والله …..هيا الواحدة مننا ليها ايه غير بيتها وجوزها … فلان الغلبان اللى اتضحك عليه فى الخطوبة زيه زي غيره … غلابة قوي الرجالة دول والله … يلا مش هخرج بره الموضوع
انا حكتلك اللى حصل اهوه فى الصباحيه
انا من اى نوع بقى
نوع يشد العريس من أول نظرة ويكونوا مع بعض زى السمنة على العسل
ولا
العروسة برضه بتشد العريس بس لتحت لأسفل سافلين ويكونوا مع بعض زى النار والبنزين
آه صحيح
حلوة قوي على مهلك على دانا حيلة ابوي وامي… شرباتايه والله
هههههههههههه
الف مبروك وربنا يديم عليكوا السعادة
زوجتى العزيزة
طبعاً إنتى نوع يشد العريس من أول نظرة ويكونوا مع بعض زى السمنة على العسل
أمال أنا رحت السعودية ليه
هههههههه
--------
Alwaan
الله يبارك فيكى يا رب
شرفتينا
إرسال تعليق