أنا مش عارف ليه الناس الحقودين والوحشين دول مش بيحبوا أوباما ومش بيحبوا مصر
مش هما دول اللى كانوا بيقولوا إن مصر دى أم الدنيا (انظر الصورة) خلاص آهوه جالها أبو الدنيا كلها ومن حقه يا جدعان يلاقى أم العيال لابسة ومتجهزة وراشة البرفان ومتكلينة وحاطة أفتر شيف كمان من حقه يا جدعان يشوفها لابساله الحتة الزفرة ورزعاله كام تاتوه هنا وواحد كمان هنا (إحممممم لا مؤاخذة) ومنضفة البيت على الآخر وصارفه المصروف كله ومسربة العيال فى الشارع يلعبوا فى الطينة ولا يعملوا بيبى حتى مش مهم ...
المهم إنه الليلادى يا عمدة ..... الليلادى كوم وطلاقى منك كوم تانى ....
وكما قال الشاعر المهيس الكبير
ياواخد أوباما على كلامه يروح بوش ويقعد أوباما على أفعاله (حصرى هاه)
نيهاااااااااااااااااااااااااااااااااااااااااااا
.
.
5 زيارتك تسرنا وعدم تعليقك يضرنا:
ههههههههههههه ايون هي مصر بتتحب على مزاجهم يا ابنى
بس قولى الصوره مسخره بجد والله
سعداءبالمرور على مودونتك المتميزه وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج
العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع
وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه
http://netonradio.blogspot.com
الموقع
http://stop.to/cairo
وبالموقع رابط تحت الساعه الى اليسار ليدخلك الى مجموعتنا على الفيسبوك واسمها انا والنت حيث يحكى الزملاء فى
المجموعه حكاياتهم مع النت وندعوك للأنضمام اليه
تحاتنا وامنياتنا لك بالتوفيق
لذيذه مدونتك يا هندسه
ربنا يجعلها قدم السعد عليك
انا جيت اهني وابارك اهو
مفيش بقى حاجه ساقعه ولا سندوتش
ماشى يا سيدى
اهى اتزوقت على الاخر
واول ما فتح بقه
تف على وشها
هههههههههههههههههههه حلوة متكلينة وافتر شيف دي دي...
وأدي بتاعنا اسم الله عليه لا استقبله فى المطار ولا اتفسح معاه .. ويقولوا بروتوكول ودواعي امنية... يعني هوه فى بلده خايف والغريب عادي
إرسال تعليق