فى كوكب بعيد عن المجموعة الشمسية اسمه كوكب آبى قعد واد اسمه ميخو لسه خارج حالاً من العباسية من عنبر العقلاء ولقى مجموعة من المدونيين مسميين نفسهم الضاحكون ومجتمعين على سومة كافيه وهناك همس الأحباب وقالوا احنا لازم نعمل حاجة علشان الشعب لابد له من حكومة تشكمه قامت بنت خيخة وأى كلام أتنططت كده وعملت زى بطوط الحبوب وقالت لأ بقى الحكاية أصلها مش سبهللة ولا هى نعكشة احنا لازم نعرف الطريق إلى الكوشة علشان نبقى ناسبنا الحكومة وناكل معاها طعمية سخنة من مطعم الحاج محمد علشان يبقى عيش وملح وفى وسط ماهى بتتكلم لقينا واحدة صيدلانية طالعة نازلة وبت مشمشمية حلوة بس شقية عمالة تضحك وتتهكم وتقول هئ.... كاسك يا وطن انا طهقانة ومخنوقة ومفروسة كمان من الحكومة دى لإن أنا أصلاً كنت عاوزة اتجوز وأعمل لجوء سياسى فى بيت أى مراقب مصرى الصراحة بقى انا مش عارفة بس نفسى أعرف هى المواجهات اللى بينا وبين الحكومة دى ما بتخلصشى ليه.
قام مهندس مصرى بيحب مصر رد عليها وقالها يا روح قلب ماما دى دموع تماسيح يا أمى مش دموع الورد بصى يا أختى أقعدى ساكتة كده بقى وبلاش فضايح انا أتعلمت إن ألوان الحياة يا أبيض يا بنجاواتى إنما أنا قابلت ست من الصعيد الجوانى عايشة فى عالم مولان وبتقولى مرحباً بكم بين نبضات قلبى الولهان، ولهان مين يا ست ،قالتلى أقعد إنت بس ده الروقان كله مع كباية شاى وسندوتش شكلك كده جعان وهاتتعبنى معاك.
بص يا سيدى أولاً ده مش احساسى أنا ده احساس طفلة محبة للرومانسية بس واقعية احنا عاوزين نعمل جبهة ضد الحكومة بس أنا مالقتلهاش عنوان أو ممكن نسميها جبهة التهييس الشعبية برئاسة أحمد الصباغ وعضوية جحا المصرى و م / أحمد أبو العلا و أمة الله علشان احنا المدونين لازم يكون عندنا كاريزما كده مع الحكومة ويكون لينا وقفة جامدة معاها بس أنا حاسة إن كل ده هايكون تخاريف وأحاسيس آيوشة أو رغى إمرأة غير مطحونة بس أعمل إيه ماهو برضه من غلبى ولا أقولك... فكك منى عوووووووووو.
قام الواد ميخو كتب الكلام ده وقال أنا من رأيى يا جماعة نعمل سايت على النت ونقول فيه كل آرائنا وأفكارنا ونسميه عسقوووول أو فشكوووول دوت كوم علشان أول ما الحكومة تكبس علينا كل واحد فينا يعمل نفسه عجوز وعنده 30 سنة أو ينط فى الكوز على طول لحد ما الحكومة تبطل لماضة وتعرف حنين القلب طريقه منين ونعرف بقى نقب على وش الدنيا ونعيش أحلى ما فى اللحظة ونشم رحيق الحياة
.
.
.
هناك 55 تعليقًا:
تحياتى لكل واحد جبت اسم مدونته فى البوست ده
لإن الصراحة هما دول اللى شجعونى أدخل عالم التدوين واللى اتعلمت منهم
تحياتى للجميع
ميخو
شكرا جزيلا انك خليتني من الاصدقاء
وبوست رائع جدااااااا ويدل على سرعه بديهه وعفويه لطيفه
بنا اني اول تعليق فهطنطط شويه
انت اخدت اول تعليق ليه..... ده انا حجزت ودفعت عربون كمان
يلا خلينا التاني والتالت
الرابع كمان ده عشم من الكلمتين الحلوين اللي قولتهم في تعليقك
فتاة من الصعيد
لا شكر على واجب
ده شرف ليا يا فندم
تحياتى
ميخو
فرحانه اوي بيك بجد
وفرحانه اني طلعت من الاصدقاء
تصدق بجد هدمع
ربنا يخلينا كلنا كده لبعض شله المدونين الحلوه دي
وتقبل مروري يااطيب ميخو
ههههههههههههههههههههههههههههههه
هههههههههههههههههههههههههههههههه
هههههههههههههههههههههههههههههه
ههههههههههههههههههههههههههههههههه
هههههههههههههههههههههههههههه
ههههههههههههههههههههههههههههههه
رائع رائع رائع
:)
ياسيدى على رحيق الحياة:)
اخذت نفس عميق واستنشقته جيداً:)
===
أشكرك جدا لذكر اسمى من ضمن القائمة التى اتشرف دائما بانتمائى لها
الان فقط فهمت تعليقك الاخير عندى:)
هههههههههههههههههههههههههههههههههههههههههههههههههههههههههههههههه
بجد عايز اسقفلك روعة بجد
انت جمعت كل المدونات فى تدوين بطريقة هايلة
ربنا يسعدك دايما
اول شي بدي اشكرك لتسكيتي من الاصدقاء
و بصراحة كتير البوست اسعدني
و عفوي بشكل و دمو خفيف
الحلو انو كمان عن الحكومة و ما طلعنا لبرة
:)
تحية
جميله قوي قوي بجد يا ميخو تسلم إيدك وسعيد قوي اني بين شلة الأصدقاء اللذاذ الدول
مش بس جميله لأ وصعبه كمان انك تعمل حوار يجمع الأسماء المكعبله دي كلها مع بعض هههههه وكمان باللنك يعني قعدت تعمل هايبر لنك لما جالك لين ك عظام , ميرسي حقيقي
تحياتي
حوار جميل جدا وجمع كل الاصدقاء
وسعيدة ان اسمى طلع مكتوب وسطهم
ليا عودة تانية لتصفح باقى مواضيع المدونة
وان شاء الله يدوم التواصل
ديالا
تقبل الله منا ومنكم
تحياتى
nona
نورتى المدونة
تحياتى
مهندس مصرى
:))
موناليزا
نورتى المدونة
تحياتى
جحا المصرى
وتسقفلى ليه يا عمونا
هو أنا جرسون
هههههههههههه
تحياتى ونورت المدونة
Jafra
فلتحيا الأمة العربية
وربنا يخليلينا الحكومة اللى مش عارف لو بقت كويسة هانتكلم فى إيه
تحياتى ونورتى المدونة
محمد فوزى
الباشا
دايماً منورنى كده يا دكترة
معندكش حاجة بقى للين ك العظام ده
هههههههههههه
تحياتى يا جميل
MaNoOoSh
ده حوار صريح جداً جداً
تحياتى ونورتى المدونة
هههههههه
ايه يا عمنا ده انت جبت سكان بلوج سبوت وجيرانهم كماااااان
الله ينور عليك
البوست رائع
وشكرا ليك وعلى كلماتك
تقبل تحياتى
انا زايرة جديدة واول مرور
اتمنا ان اكون بعد فترة من الاصدقاء
ولن يكون هذه الا بالتواصل فادعوك للزيارة
ربنا يبارك فيك وفى كل من ذكرتهم
فكلهم اهل لذلك فهم اهل التميز
وغيرهم كثيرين فى عالم التدوين
ودمت بخير
همس خالد الحبوب
منورنى يا خالد والله
والله فرحتنى زيارتك قوى
سلامى لعبده باشا الرايق
ولجميع الأسرة
تحياتى
ام مالك
نورتينى بالزيارة
وآسف إن لم يسعنى حظى بالتعرف على جميع المدونين
بس ملحوقة إن شاء الله
تحياتى
يعنى ياعم مخ
اصحابك المعلقين مالهمش نايب
لازم نبقى مدونيين
طييييييييييب
هاروح افتحلى مدونةوارجع
اسمى اهو اسمى اهو:) انا كده اخدت الايزو:)
اولا ميرسى جدااا على اعتبارى من اصدقائك دى حاجه تسعدنى وتشرفنى ومفخره كده.
ثانيا باه وعلشان نكون على نور وبمناسبه الصوره اللى انت حاططها انا اكون ريتشل اه انا بقولك اهو.
ثانكس ياميخو وفكره حلوه .هو انت اصلا سيبت مدونه متقلتش:) دا ولا المعجم الوجيز.
انا مش عارف اعلق
اىىىىىىىىىى
نو
نو
نو
اىىىىىىىىىىىى
والله مانا ياباشا
عموما انا هاقولك
انا كل ما اجى اعلق عندك
الاقى كلام مكتوب فوق المربع بيفكرنى بالذى مضى
مكتوب
ركز على البوست ومالكش دعوه بيا
اه اه اه
فكرتنى بسلومه الاقرع وهو بيزغدنى فى قفايا ويقولى
ركز مع الباشا ومالكش دعوه بايدى
اسمي مكتوب
لالالالالالالالالالالالالالالالالاء
طااااااااااااااايب
حلوه قوي الفكره يا عم الحج
بوست هايل
تحياتي
العزيز ميزو ... تحياتى
انا باعتذر عشان اتأخرت عليك فى التعليق بس انا جيت عندك خصب عن الكمبيوتر ويارب ما يقفلش معايا وانا باكتب التعليق اصل الكمبيوتر عندى منيل بنيله وبيهنج على طول وعاير ميكانيكى يظبطه
انت عملت بوست معجزه ...يعنى جمعت المدونات دى كلها وحطيتهم فى جمله مفيده ودا اعجاز تحسد عليه وعلى الذاكره القويه والعقل المرن اللى خلاك تقدر تجمع الكم الهائل من المدونات كلها
وانا شاكر لك جدا انك خليتنى من اصدقائك وحطيتنى معاهم فى جمله مفيده
دمت يا عمنا ودامت لك الروقان وكمان مره اشكرك على اهتمامك بمدونتى
تحياتى
جميل جدا والله البوست ده احسن ما فى التدوين انه عرفنا على اخوات واصدقاء مش ممكن نلاقيهم فى الحقيقة ولا ممكن نلاقى زيهم فى الدنيا كلها متشكرة جدا انى من ضمن الاصدقاء ومتشكرة لسؤالك ومتابعتك المدونة فى فترة غيابى بس هتروح منى فين هرجع ازهقكم تانى :)
دودو
والله انا كنت هاحط أسماء المهلقين لقيت محمود بكر وحمادة إمام قعدوا يتخانقوا مين فيهم الأول فعقاباً ليهم محطتش حد من المعلقين
نورتينى
الشعب
حلال عليكى ريتشل هى المدام مخليانى أبص لريتشل ولا غيرها
ربنا يستر عليا أنا بس
ههههههههه
البوست جمع 52 مدونة ومحبتش أقفل الكليك يمين علشان اللى عاوز يعمل كوبى ما يتعبش
هايلاقى كل المدونات مهيبرة
تحياتى
بابا عبده الرايق
ههههههههههههههههه
عبده باشا عندى
نو نو نو
أنا نو مصدق نفسى
تحياتى ونورتنى
وأتمنى دوام التواصل
أبو العريف
تسلم يا جميل
بس ما إنت قايل كلام زى الفل آهوه
قصة ... مش قصة قوى يعنى
=
مش عارفة .... بس نفسى أعرف
محاولة مالقيتلهاش عنوان
=
مالقيتلهاش عنوان
ربنا يوفقك يا كبير
تحياتى ونورت المدونة
وأتمنى دوام التواصل يا هندزة
فشكول
عمنا الكبير قوى
كلامك ده والله على دماغى من فوق وشهادة اعتز بيها
أنا ممكن اعتزل التدوين
كفاية عليا كده
ههههههه
يا أستاذ صلاح ده شرف لأى حد إنك تكون من أصدقائه
كفاية إننا هانسمى السايت باسم حضرتك
تحياتى لك
أيها العزيز فشكووووول دوت كوم
آيوشة
تحياتى ليكى
أنا معاكى فى إن أحسن ما فى التدوين إنه بيعرفنا على أصدقاء مش ممكن نلاقيه فى الحقيقة
أنا متهيألى إن التدوين ده بيعمل غربلة للشباب وينقى أحسن ما فيهم ويدخلهم عالم التدوين
تحياتى وحمد لله على السلامة
نورتى المدونة
ازيك يا عمنا
انت سأل أنا منين من بني سويف
أنا ساكن جنبك
قريب من الجزيرة
علي الدائري بتاع الجزيرة
بس أنا قاعد الفترة دي في القاهرة
ومش بنزل تقريباً خالص
أخيراً لقيت حد مني سويف علي بلوجر
أحممممممممممدك ياااااااااااااااارب
مممممممممم
جيت قبل كده على فكرة ولقيت اسمى فرحت D:
بس لقيت بعد كده ماشت اعتزال وكلام غريب مريب كده مين دوول هه ؟؟
وكمااااااااان كنت قافل التعليقات يعنى اعيط ولا اعمل ايه بس
شكلك غيرت رأيك صح ؟؟
صح صح انا عارفة
مادام لقيت اصدقاء كويس مفيش داعى تسيبهم
يلا مستنين البوست الجديد P:P:
سلام
ميخو
تعليقك على بوست شعبان عبد الرحيم وعبد الباسط حمودة فى مدون الشعب والحكومة اللى حتحكمة
يهلك من الضحك
احنا سيبينك على راحتك يمكن ترتجع
اما اذا مشوفناش تدوينة جديدة خلال اسبوع
حنحط السيخ المحمى فى صرصور ودنك
ولقد اذعر من انذر
تحفة والله العظيم تسلم ايدك وضحكت ضحك
ايه الكلمتين الغريبتين العجيبتين اللي في الآخر دول؟
مش فهماهم
اوعى وشك
شكراً لكل الناس اللى عرفتهم فى التدوينبس للأسف ده كان ماتش الاعتزالتحياتىم/ محمد مختار
ده انا ها أصيح لك دلوقت وها أجيب بلوج سبوت عاليه واطيه
صبرك علي
الله الله الله
امال فين سمكه واحده
انتوا مش بتاكلوا سمك ولا ايه
لالالا انا زعلت
لا بجد ماشاء الله
بوست تحفه
بجد بوست عسل اوي
تحياتي
د. ياسر عمر عبد الفتاح
منورنى يابن بلدى....وصوتك بقى واضح قوى عندى
تحياتى
أول ما أنزل المحروسة أكيد هايكون فيه اتصال سريع ونعمل لقاء مدونان وليس مدونين
هههههههه
تحياتى
* Alwaan *
يا مرحب بأهل الإسكندرية
وطبعاً الصيادلة كلهم فوق دماغى من فوق أنا مقدرش أتكلم
دى الحكومة كلها من الصيادلة
نورتى وزهزهتى المدونة
هههههههههه
تحياتى
دودو
شاكر جداً لمتابعتك ليا وإن شاء الله مخيبش ظنك
تحياتى
ستى تة
ربنا يخليكى يا رب
أنا دلوقتى أعتزلت وأتجهت لمجال التعليق وأرجو من الله إن الكلام ده يكون مؤقت بس
والله فكرتينى بالواد أنس ماشفتهوش بقالى كتير وحشنى ابن اللذين
تحياتى
سمكة واحدة
شرفتينا يا فندم والله
ونظراً لإن عمرى التدوينى لا يتعدى الشهر فللأسف ملحقتش أتعرف على كل المدونات بس ملحوقة إن شاء الله أول ما النوة تعدى
تحياتى
انا استغربت انك موش بتنزل بوستات جديده .... ودخلت اشوف يمكن تكون كتبت حاجه ..... بس قريت كلامك الغريب ده
ليه يا باشمهندس اعتزلت .... حضرتك اضافه للتدوين
وبعدين التدوين ده انك تكتب اللي على مزاجك وفي دماغك
فضفضه ... خواطر .... شتيمه ... ولا يهمك
اعتبره علاج نفساوي وخلاص
فكر تاني
ميخو حبيب هارتي السكرة
معلم علمتني وتوبت انت يامعلم والله مواضيعك كانت في الجون
واحشني مووووووووووت
سي يو
انا داخلة علشان اقول انى زعلانة
ايه اللى بيحصل ده
واعتزال مرة واحدة
طب قول اجازة وكلنا مقبلين عليها
علشان رمضان لكن اعتزاك صعبة ديه
باذن الله الفكرة تتغير
تحياتى
رائع بجد البوست دا ومضمونة اننا بنكمل بعض اروع و فكرتك وطريقتك فى تنفيذة اروع واروع
بس لية فى الاخر كان ماتش اعتزال
الحمد لله ان فى حاجة رجعتك تانى لينا
ولقيت بوستات تانى فوق اهى
تقبلى مرورى
احساس طفلة محبة للرومانسية بس واقعية
أنا فخور بكل الأصدقاء اللى عرفتهم عن طريق التدوين وده اللى إدانى الحماس والفكرة للبوست ده
وسعيد جداً بتشريفك للمدونة وأحب أقولك إن كلامك ده وضح فكرتى تماماً
تحياتى
إرسال تعليق