جالى ده على الإيميل
بدون تعليق وبالصورة
المسئول عن فلوس واموال مصر...مدير بيت مال المسلمين والزيادة الاجتماعية
المسئول عن فلوس واموال مصر...مدير بيت مال المسلمين والزيادة الاجتماعية
و
فلوس المعاشات قاعد بيلعب جيمز على البلاك بيري
أنا
مش مصدق بجد ان دول المسئولين عن مصر وبعد كدة بنقول البلد بتتاخر بينا ليه
بقول
ولا مش عارفين نتقدم خطوة للامام
كفاية
الدول المتاخرة عنا سبقتنا بكتير قوى عارفين ليه السبب علشان المسئولين بيلعبوا
جيمز
والشعب بيولع المهم مايخسرش الجيم
نفسى
الشعب ياخد القرار ويقول لوزير المالية
Game Over
يعنى اللعبة انتهت وحان الان موعد تغييرك
.
.
الصور من جلسة يوم 17 مايو 2009 اثناء مناقشة
زيادة العلاوه الاجتماعية
.
.
عنوان البوست استوحيته من عند لماضــــــة
هناك 24 تعليقًا:
الا متعرفش 13 مليار اللى كانوا تايهيين
اخبارهم اية
شوف يا يابنى
النظام فى البلد دى ماشي على مبدا
وعمرة ماهيتغير
الا اذا حصلت معجزة
الاوهو وضع اسوء الاشخاص فى المناصب
المهمة
لو اثبت جدارتك وخربت المكان ودمرت كل شىء
يبقى خلاص ضمنتها ياحلو وهتقعد معانا
على قلب الشعب الحقير الا ما لانهاية
ولكم فى الوزير الفنان عبرة
الراجل دة فى الوزارة من وانا فى ثانوى!!!!!!!!!!!!!!
اما اذا خبت وعملت اصلاحات وحاولت تحل ولو اشياء بسيطة
يبقى عليك اللعنة
ويحطوا السيخ المحمى فى صرصور ودنة
لاومش بعيد يسجنوة زى محى الدين الغريب وزير المالية السابق
هى دى مصر يا me7o
دودو
بانسبة للـ 13 مليار دول أهم قدامك يا دوب جابوا بيهم بلاك بيرى لكل وزير وعملوا بالباقى داونلود للجيمز علشان يرفهوا بيهم عن نفسهم ويوفروا 2 مليون لزوم المصيف
ههههههههههه
أما بقى بخصوص الوزير الفنان
إنتى غلطانة فى الحتة دى
يا ستى ده فنان
والفنان كل ما قدم كل ما قيمته وقيمة أعماله كمان زادت وسعره أرتفع فى سوق التلات
مصر اللى فيها مشكلة إدارة
معندناش إدارة
مفيش حد مصرى فاهم الإدارة صح
وبعدين إنتى زعلانة إن البلد بتتسرق
طب بذمتك لو حد شافك وإنتى بتسرقى لا سمح الله وبعد كده الأيام دارت وإنتى شوفتيه وهو بيسرق حتقدرى تفتحى بقك
طبعاً لأ
فإذا كان رب البيت بالدف ضارب فشيمة أهل البيت الفجور
مش كده ولا إييييييييييييه
تحياتى
لالالالا دة انتوا كدة تبئوا شعب غاوى تقدم
شكلكوا غاويين تواكبوا العالم المتقدم
شكلكوا كدة بتفكروا صح
متحبكوهاش بئا
ايه يعنى
هو مش من الشعب بردو ومن حقه يلعب شويتين جيمز
ولا الجيمز فى ايد الوزير عجبة
لو كل الشعب زيكوا كدة الدنيا هتخرب
يا ساااااااااااااتر على دة شعب
nona
والله على رأيك
إذا كان الشعب نفسه متدلع زى ما قالت الست مشيرة خطاب
يبقى وزير الشعب مش هايتدلع
بصى هما قالوها حكمة على مؤخرة السيارات
"من حق الكبير يتدلع"
هههههههههه
تحياتى
لا سيبك من الوزير الفنان دة غلبان
عندى مثل انقح
فاكر الوزير المحترم محمد ابراهيم سليمان
طبعا سيرتة جت كتير اليومين دول لانة اللى منح ارض مدينتى ببلاش لهشام طلعت مصطفىغير اتهامة بقضايا فساد واستغلال نفوذ
دة غير انة نائب فى البرطمان
عارف عن مين عن اهل الدويقة
غير انة كان السبب فى سجن الدكتور ممدوح حمزة لمدة سنتين فى لندن
ما علينا
لانى مش عارفة اعدد مساوىء جنابة
لانها لاتعد ولاتحصى
الراجل دة تفتكر كان جزائة اية
طبعا غير انة بقى ملياردير بسبب العمولات والذى منة
لا ومش كدة وبس تم منحة وسام الجمهورية من الطبقة الاولى
قوم اية ماكفاهمش كل دة لمكافئتة
استدعاة مستر ديرتى
وخلاة رئيس لشركة الخدمات البترولية البحرية
www.youm7.com/News.asp?NewsID=113744
عرفت بقى البلد دى بتاعة مين
يعني فيها ايه يعني
لما يلعب ؟
طب ماكلنا كنا بنلعب؟
انا افتكر اني وانا صغيره كنت بلعب كوره هههههههههه
وربنا مهزله
لما يلعب يلعب في بيته في لشارع مش تحت قبه البرلمان
وبعدين في لعبه احلي من دي
بدل مايلعب في الموبايل
ماتخليه يلعب بمصالح وفلوس وميزانيه شعب بحاله
دي لعبه حلوه اوي
ويسال كل الي معاه في البرلمان هيقولولوه انها لعبه حلوه اوي
واجمل حاجه في اللعبه دي
انه عمره ما يطلع خسران بالعكس دايما بيكسب والي بيخسر س هما الشعب الي بيتلعب بيه
وسلملي علي الوزراء
ومجلس الوزراء
ورئيس الوزراء
وانا وانت
وغطوني وصوتوا
يلهوي
جابولي الضغط والله
تقبل مروري
ديالا
شفتى لما كان بيلعب وواحد من الشعب قرب منه عمل إيه فى الصورة رقم 5
خبى اللعبة علشان ما يشفهوش
ههههههههه
والله زى ما يكون عيل صغير والأبلة قفشته
على رأى اسم دعدور
ربنا يشفى
تحياتى ونورتى المدونة
انت عارف اية المشكلة اللى محيرانى دلوقتى
انة السرقة بقت عينى عينك
وان الحرامية الكبار بيكافئوا رجالتهم
من غير ما يعملوا لنا اى حساب
يعن مبدا اسرق فى الخباثة
واعمل انك حامى حمى الشرف والنزاهة قدام الشعب المنهوب
مبقاش يتعمل بية
دايما اقول ان العيب فينا مش فيهم
لاننا شعب لا يعترض على اى حاجة
دودو
هييييييييه
هوا ده حال الدنيا
ولا دايم إلا الدايم
يالضربات القدر ,
يالهول الصاعقه ,
لأول وهله قلت مش ممكن أكيد يعني بيتابع حركة البورصه , هيكلم وزير الإستثمار , هيكلم المدام حتى, أي حاجه يعني , إنما جييييمز !!!!
وأثناء الجلسه ؟!! لأ كتير أوفر أوفر
تصدق هنا برضه زعلتني ؟
عموما تحياتي يا ميخو
الرائع هو البني ادم اللي نشن و صور
بصراحة برافو عليه
كيف لقطها هاي
؟
؟
؟
؟
محمد فوزى
شفت بقى يا دكتور
والله أنا اول ما شفت الصور قلت برضه البورصة
بس بعد ما شفت باقى الصور
قلت إيش التحرفنة دى
هههههههههههههههههههه
Jafra
والله عندك حق
اللى لقط الصور دى
كاااااان
إنسان كويس قوى
هههههههههههه
ما هو أصل الموضوع كان محسوم
و هما كانوا متفقين يقترحوا علاوة 5% فالرئيس يشملنا بعطفه و يخليها 10% بدل الـ 30% بتاعة السنة اللي فاتت
فمدام الفيلم حمضان فالجيمز أولى
أو ده رأي الوزير
مهندس مصرى
والله العظيم برافو عليك
ده رأيى أنا بس كنت مستنى حد يقوله
وإلا كنت هاحطه فى آخر تعليق
تسلم دماغك يا جميل
تحياتى
حكومه بتلعب وشعب بيتلعب عليه
على كده هو زود العلاوه للشعب المصرى من 5% الى 10 % اكيد كانت بمناسبه فوزه فى الجيم
ربنا ما يجعله جيم اوفر خالص علشان يبسط الشعب
بس يارب ما تبسطهاش قوووووووووى
تقبل مرورى
والسلام ختام
لى كده يا بشمهندس شوفت النواب وهما بينقوا الرز بيستعدوا علشان الدوره اللى جايه يعملوا محشى
هههههههههههههههههههههه
افرحى يا مصر هتاكلى محشى بس ياترى ورق عنب ولا كرنب ؟
اكييييييييييييييييييييييييييييييييد كوسه
الراجل ده متجيش شوطة تاخده من هنا
راجل خنيق بجد
Promise is Promise
"حكومة بتلعب وشعب بيتلعب عليه"
ودايماً الحكومة بتخسر وبتعلق هزيمتها على سوء أرضية الملعب
تحياتى
جحا المصرى
هى الشوطة اللى قصدك عليها دى
بتيجى من إيه بالظبط
تحياتى
بص يا باشا أنا مقاطعها من ساعة البوست ده http://egyptioneng.blogspot.com/2008/03/blog-post_05.html
يعني من سنة و نص
و مش متابعها بالمرة لكن واحد قالي على البوست الأخير عندها
محمد باشا قنديل
الشهير
بمهندس مصرى
حبيب قلبى
انا دخلت قريت اللينك ده
وأتبسطت من ردودك قوى
الله ينور عليك
يا مساء العسل
الصوره دى تحفه والله
ومنها كتير
خصوصا صوره عجبتنى قوى قوى
لواحد من الحزء
حاطط ايده على ايده التانيه زى الاطفال ومطلع لسانه لبتاع الاخوان
وبيعمله زى الاطفال وربنا
والتانيين بتوع الجزم
مش باقى غير ده
بس يا معلم ده ماشى بمبدا
انه كل لما يكسب
بياخد جيم اوفر
عشان كده مش هيمشى عمره
الا لما
شحنه يخلص
THE illusionist
والله لو الصورة زى ما إنت وصفتها كده
يبقى عليه العوض ومنه العوض
تحياتى
ونورت المدونة
إرسال تعليق