الأحد، 5 يوليو 2009

مصر التى فى خاطرى



سأل طفل اباه ما هي السياسة؟
فقال الأب: دعني أحاول أشرح لك معنى السياسة
أنا مصدر رزق الأسرة لذلك سنطلق علي أسم الرأس مالية
وأمك هي المدير المالي لذا سنطلق عليها أسم الحكومة
ونحن هنا لنهتم باحتياجتك لذا سنطلق عليك أسم الشعب
والخادمة سنعتبرها الطبقة العاملة
وأخوك الصغير سنطلق عليه أسم المستقبل
والآن فكر في هذا و أنظر ما إذا كان يبين لك المعنى
...
...
وفي و قت متأخر من الليل ذهب الطفل إلى الفراش يفكر فيما قاله أبوه
فسمع صوت أخيه الصغير يبكي, فقام ليرى ما به فوجده بال في حفاظته فذهب لغرفة ابويه فوجد أمه غارقة في النوم فلم يرد إيقاظها,, ثم ذهب إلى غرفة الخادمة فوجدها مغلقة.. أختلس النظر من فتحة الباب فوجد أباه على السرير مع الخادمة,, أستسلم الطفل للنعاس ورجع على فراشه...
....
....
وفي اليوم التالي قال الطفل لأبيه: أظنني الآن فهمت معنى السياسة

قال الأب : ممتاز , أخبرني ما الذي فهمته!!!
رد الطفل: حسناً
بينما تعبث الرأسمالية بالطبقة العاملة تكون الحكومة غافلة نائمة فيصبح الشعب مهملاً والمستقبل في منتهى القذارة
----------
------
عذراً دكتورة مروة الشربينى فهذه هى صورة مصر التى فى خاطرى
------
----------

هناك 18 تعليقًا:

دودو يقول...

هههههههه
حلوه اوي :)

ديالا يقول...

جميله جدا

وتشبيهك ده في محله خالص

برافو عليك والله

Me7'o يقول...

دودو

نورتى

Me7'o يقول...

ديالا

هو الصراحة الحكاية دى أنا قريتها من زمان على النت بس علقت فى دماغى وبعد اللى أنا شايفه فى البلد اليومين دول زى ما تكون لمبة وضربت فى النافوخ

وخصوصاً بعد حادثة مروة الله يرحمها

لإن فعلاً الحكومة نايمة والشعب مهمل


تحياتى
ونورتى

جحا المصرى يقول...

هى دى السياسة
معاك حق

جريدة الصباح العربي يقول...

أقتربنا كثيراً من تنفيذ الحلم .. واقترب العدد الأول من الجريدة , أنتظرونا قريباً جداً , إذا كان لديك مقترح قد يفيدنا في عملنا .. إذا كان لديك عمل أدبي أو تحقيق أو موضوع يستحق النشر أرسله لنا على بريد الجريدة
arabicsabah@yahoo.com
تابعونا على جروب الجريدة
http://www.facebook.com/group.php?gid=78080770039
الجروب هو نقطة الالتقاء بيننا وبينكم فلا تحرمونا من مساهمتكم

Me7'o يقول...

جحا المصرى

وهى دى مصر

نورتنى

إلا هو أيامكم برضه كانت السياسة كده

وسلملى على الحمار

Me7'o يقول...

جريدة الصباح العربى

أهديلك هذه الأغنية

صبح الصباح صباح يا عليم
والجيب مافهوش ولا مليم

هههههههههههههه

انا أول مرة أشوف واحد بيعلق على الكلام ده
بس معلش أصلى فاضى حبتين

فقلت أتسلى
واغنيلكم الأغنية الجديدة بتاعت الحكومة

أصلى لقيت صوتى حلو وفذ وماجبتنيش ولادة ولا المطرب عبد السميع فى زمانه

إحم إحم

ياااا حبيبى
لأ لأ مش الأغنية دى

دى أحسن منها
إهداء للشعب المصرى من الحكومة المصرية


ويلومونى
ما يلومونى
المصرى اخد على قفاااااااه
إعشق يا مصرى
إحلم يا مصرى
ده اللى بكرة مات وهاتروح معاااااه
اعشق يا مصرى
احلم يا مصرى
وامشى مشوار الذل لمنتهاه ...
ويلومونى
ما يلومونى
المصرى أخد على قفااااااااه

شوارعي يقول...

ياااااه هي مصر وحشة أوي كده!
لا وكمان ولا مدخنة عربية البطاطا!!!!
ده إيه الصورة المعبرة دي
لا يا عم لا... على الأقل خلي المزة دي تحط شوية أحمر وأبيض وأسود كده.
ده حتى تلاقيهم صوروها على غفلة وهي لسه صاحية من النوم!

Me7'o يقول...

شوارعى

أولاً منورنى يا ريتك كنت قلتلى كنت علقت حبل نور ولا حاجة

ثانياً

هى دى مصر بكل ما فيها
هى دى مصر فى العصر اللى احنا فيه
هى دى مصر بكل تجاعيد الزمن المرسومة على وشها
هى دى مصر بكل عهر حكوماتها
هى دى مصر
هى دى مصر

وبعدين احنا مش عاوزينها تحط لا أبيض ولا أحمر

احنا عاوزين حكومتها تلبس أبيض فى أبيض ونشيلها على كتافنا من فوق

تحياتى

غير معرف يقول...

ميزوا .. اهلا بيك
البوست بتاعك من جزئين
الجزء الاول شرح سلسل لمعنى السياسه والشعب والحكومه
والجزء الاخير .. يذهب الى الواقع المرير لبلدنا التى لم تعد بلدنا وكما اقول دائما القادم اسوأ
فكل شيئ خان مروه الشربينى وكل شيئ ادى الى هذه النهايه الفاجعه
رحم الله مروه الشربينى فقد كان هناك من هو احق بهذه الخناجر غيرها .. ولكن لا اعتراض على قدرة الله

انسخ اللى انت عايزه ياحبيبى فلا حرج عليك ولا على احد
ففشكول لها رساله بين المدونين وليست مدونه للاستهلاك المحلى وهى ملكك وملك جميع المدونين
على فكره ساكتب لك هذا البوست باسم غير معروف لاننى لم استطيع التعليق باسمى لان المدونه ترفض الاعتراف بكلمة السر خاصتى
فشكووول
تحياتى ميزو العزيز

Me7'o يقول...

عمنا فشكووووول

نورتنى وشرفتنى بزيارتك العزيزة دى كان نفسى أكون فى استقبالك وأعمل معاك واجب ضيافة محترم

أما بقى بخصوص الباسوورد

طب ما تقولى عليه وريح بالك
هههههههههه

تحياتى
ميخو

لبنــــــــــى يقول...

بصراحة سياسة قليلة ادب
عن جد يا هيك الشرح يا بلا
بس الصورة هاي من وين لقفتها
شو هالجمال الرباني لا و دخان كمان
عن جد سياسة هرمة

محمد فوزي يقول...

رقيق قوي منك وجميل بوستك عن والدتك ربنا يخليها لك ويرجعك ليها بالسلامه وربنا يتوب علينا ونقضي مدة العقوبه اللي انكتبت علينا وناخد افراج بقى ونرجع بلدنا

انت خليت بوست عيد الميلاد من غير تعليقات بس انا حبيت اعلق برضه كنوع من الغلاسه

إيه حكاية خبر تهمة القتل الخطأ اللي اتوجهت للألماني دي جبته منين ده ؟ مش ناقصه رفع ضغط أصلها

تحياتي

Me7'o يقول...

محمد فوزى

منورنى يا دكترة

الخبر ده أنا سمعته إمبارح فى برنامج الطبعة الأولى على دريم

بس الصراحة ما قلبتش وراه على النت

إنما متغرب فين يا دكترة
أنا فى السعودية

تحياتى ليك

محمد فوزي يقول...

في الكويت ياباشا

غير معرف يقول...

بوستات كلها جميله ...... اسفه اني علقت هنا بس ما عرفتش اعلق في اخر بوست ..... يظهر انك قافل التعليق

البوست ده وبوست والدتك جميل جدا ..... احييك على اسلوبك الساخر المليء بالمراره المصاحبه لكل حياتنا

Me7'o يقول...

فتاة من الصعيد

شرفتينى

ونورتى المدونة
تحياتى