الإمارات العربية المتحدة
تهنئة فى جميع الجرائد الرسمية الموسمية منها والصيفية لفتاة إماراتية ؟؟
طبعاً يا أخوانا أنا كان بقالى فى البلد الحلوة المشمشية دى شهرين بدور على شغل كل يوم أجيب كل الجرايد المكتوبة بالعربى وأقعد أقرا الإعلانات علشان الوظايف المطلوبة
الصراحة كنت عاوز آلاقى أى شغلانة بس ما أرجعش اسم النبى حارسها المحروسة تانى
مرجعش بخفى حنين يعنى
خالى أخدنى بالعربية ونزلنا دخلنا مول كده قال إيه بيفسحنى عسل خالى ده والله المفروض يفسحنى على طريقة ريا وسكينة كان أكرملى والله من البلوة اللى انا كنت فيها دى كانت أيام سودة الله لا يرجعها المهم جبنا الجرايد وركبنا العربية وأنا بقى حالتى النفسية فى الحضيض وأفتح يا خويا الجرنان آلاقى فى تانى صفحة إيه بقى
الأمير مين ابن مش عارف مين ابن مين يهنئ الشيخ برضه مين مش فاكر ويهنئ أمير البلاد
وتالت صفحة نفس الكلام
والرابعة برضه نفس الكلام
تقريباً كده الجرنان كله
وصفحة كبيرة فى نص الجرنان الصفحة كلها صورة لواحدة بنت
قلت أنا غلطت ولا حاجة
مسكت جرنان تانى نفس الكلام
وتالت نفس الكلام
عارفين بقى مين دى
مع الوضع فى الاعتبار إن الكلام ده كان فى شهر فبراير 2005 يعنى بعد القرن الواحد والعشرين بخمس سنين
بسلامتها
أول من يحصل على بكالوريوس الطب البيطرى فى تاريخ
دولة الإمارات العربية المتحدة
آه والله
تخيلوا
لحد سنة 2005 مكنش عندهم ولا واحد فى تاريخ الدولة معاه بكالوريوس الطب البيطرى
ودى بقى خريجة جامعة القاهرة
يعنى احنا عندنا الطب البيطرى شوفوا من سنة كام
وعندنا كام خريج
وبنروح نشتغل عند البشر دى
شوفتم بقى حكوتنا الرشيدة وصلت بينا لأنهى مستوى بين البشر
مش المفروض احنا نكون أسياد الناس دى
لكن للأسف اللى بيحصل
إنهم بيعاملونا أكننا بشر درجة عاشرة والله ولا العبيد بنظام الكفيل ده
وعلى فكرة بيقرفوا من المصريين جداً
تحس إنهم بيشمئزوا منهم كده
آه والله
بس الصراحة
أشكال المصريين اللى قابلتها بره مصر
منهم 60% فضيحة والباقى كويسين
أدونى رأيكم بقى فى المهازل دى
وإزاى ممكن نخلص من الحكاية دى
إزاى نقدر نغير الصورة
.
.
المغامرة الجاية
لما بكيت بسبب واحد هندى؟؟
.
.
آه والله
تخيلوا
لحد سنة 2005 مكنش عندهم ولا واحد فى تاريخ الدولة معاه بكالوريوس الطب البيطرى
ودى بقى خريجة جامعة القاهرة
يعنى احنا عندنا الطب البيطرى شوفوا من سنة كام
وعندنا كام خريج
وبنروح نشتغل عند البشر دى
شوفتم بقى حكوتنا الرشيدة وصلت بينا لأنهى مستوى بين البشر
مش المفروض احنا نكون أسياد الناس دى
لكن للأسف اللى بيحصل
إنهم بيعاملونا أكننا بشر درجة عاشرة والله ولا العبيد بنظام الكفيل ده
وعلى فكرة بيقرفوا من المصريين جداً
تحس إنهم بيشمئزوا منهم كده
آه والله
بس الصراحة
أشكال المصريين اللى قابلتها بره مصر
منهم 60% فضيحة والباقى كويسين
أدونى رأيكم بقى فى المهازل دى
وإزاى ممكن نخلص من الحكاية دى
إزاى نقدر نغير الصورة
.
.
المغامرة الجاية
لما بكيت بسبب واحد هندى؟؟
.
.
.jpg)
هناك 6 تعليقات:
يعنى احنا على كدا لو عملنا بالمبدأ ده يبقى مش هيكفينا الجرايد القوميه ولا العربيه ولا حتى الصفرا ولا الحمرا
بس يمكن علشان دى بنت امير ولا اميره ولا حاجه يالا يا ابنى اهى الازمه الااقتصاديه قضت على كله
آبى هانم بتنجانى
ماهو علشان الجرايد مش هاتكفى
فخلوا التهنئة تنزل على القفا
أى خريج جديد بيسقفوله على قفاه ودى تبقى أحلى تحية من الحكومة
تحياتى
ده العادي
الخريج الجامعي عندهم حاجة نادرة و فوق مستوى البشر
إنما عندنا بيتباعوا بالكيلو
مدونتك حلوة و دمها خفيف
انا عم استنا قصة الهندي
تحية :)
مهندس مصرى
أنا لما كنت هناك كنت قاعد فى حتة على حدود عمان مع الإمارات اسمها البريمى منطقة حدودية مشتركة
فركبت فى مرة مع سواق تاكسى عمانى فطبعاً قعدت أرط معاه ولما عرف إنى مصر قاللى
"ماشا الله عليكم إنتوا يا مصريين ما فى بيت عندكم ما فى واحد فى الجامعة"
كان بيحسدنا مش عارف إن حكومتنا الرشيدة علشان تطلع نسبة الأمية صفر بقت الشهادات بتاعتنا يتلف فيها طعمية (حقيقة واقعية)
الله يرحمك يا شيخ زايد لما عرف إنهم بدأو يجيبوا خدامات من مصر زعق فيهم وقالهم ما يصير المصرية تشتغل خدامة والله ما يصير
إنت عارف دلوقتى يا هندسة
بعتوا مصر وطلبوا عمال نظافة والله السفارة الإماراتية ذهلت لما شافت عدد المتقدمين المصريين ولقوا كل المتقدمين معاهم شهادات ومن بعدها بقى شرط أساسى إن العمل فى الإمارات فى مهن زى دى إنه يكون من حملة المؤهلات
قابل بعضهم هناك كلن شغال عامل نظافة فى مدرسة ومعاه للأسف بكالوريوس علوم
وحسبنا الله وهو نعم الوكيل
Jafra
تسلمى على المجاملة الرقيقة دى
بس أنا بحذرك ما تمشيش ورايا
لإنى رافع يافطة
أحذر الفيل فى التليين
نورتى
إرسال تعليق