رحيق الحياة: كارثة آب ديت

الجمعة، 28 مايو 2010

كارثة آب ديت

خبر فى اليوم السابع بيقول

"حبس سائق ومعاونه وميكانيكى لاغتصابهم طفلاً"

أنا زمان كنت أسمع عن الاغتصاب الجماعى وكل اللى ييجى فى بالى أول ما أسمع كلمة اغتصاب جماعى إنه بيكون لأنثى

إنما الجديد فى مصر إنه بيكون لواحد عنده 13 سنة ونوعه "ذكر"

لا حول ولا قوة إلا بالله العلى العظيم

"ذكر"

فى مصر بيكون الاغتصاب الجماعى لذكر

ليه كده يا أخوانا؟؟؟

طب إزاى؟؟؟؟

هو الشذوذ وصل للدرجة دى فى مصر؟؟

يعنى الواحد بدل ما كان بيخاف على أمه ولا أخته دلوقتى المطلوب منه إنه يخاف على أخوه وعلى نفسه

تلات رجالة يغتصبوا راجل تانى

يا نهار أسود

والله العظيم أنا مش مصدق اللى بيحصل ده

يعنى الواحد يلاقيها منين ولا منين

طب البت لما كانت بتخرج بنبعت معاها أخوها الصغير

طيب دلوقتى لما الواد يخرج نبعت معاه مين؟؟؟

هناك 22 تعليقًا:

Ramy يقول...: ازيك يا ميخا

طبعا الموضوع موجود ومن زمان بس كانت حالات فردية

دلوقت بقى الموضوع غير طبيعى
الناس مبقاش عندها اى واعز دينى
غير بقى ان الأخلاقيات راحت تماما

ربنا يرحمنا

وعلى رايك الواحد ميتأخرش بالليل; 28 مايو 2010 في 10:29 م
غير معرف يقول...: لا حول ولا قوه الا بالله

والله انعدام الامان ده مسئوليه أمنيه ... والمفروض مانبعتش حد مع حد ..

تحياتي; 28 مايو 2010 في 11:09 م
أبو العريف يقول...: لا حول ولا قوة الا بالله

انا لله وانا اليه راجعون

استغفر الله العظيم

السلام عليكم; 29 مايو 2010 في 12:42 ص
رحلتنا في الحياة يقول...: لا حول ولا قوة الا بالله
مش عارف الناس انعدام الاخلاق والدين هيوصل بيهم تانى لفين; 29 مايو 2010 في 1:29 ص
Mafrousa يقول...: لا حول ولا قوة الا بلله
و حنفضل كده من سيء الى اسوأ
الدنيا بقت ما تطمنشي خااالص
و المشكلة ان البلاد العربية كلها فى تقدم
و احنا اللى بقينا (مزبلة من كله)
سوري فى اللفظ
مزبلة اخلاقية
ومزبلة سلوكية
و مزبلة سياسية

ومالناش خلاص غير ربنا
ربنا يسترعلينا; 29 مايو 2010 في 2:20 م
رنونة حكومة ميخو يقول...: لا حول ولا قوة الا بالله عمالين نقول حكومة حكومة وادي الشعب كمان متنيل بستين نيلة فعلا لا يغير الله ما بقوم حتى يغيروا ما بأنفسهم
طول محنا كده لازم يحكمنا أسوأ وأظلم الناس; 29 مايو 2010 في 3:43 م
أحــوال الهـوي يقول...: يا عمنا
اذا كانت دي حالة فردية شاذة
فلا يجب الخوف او التعميم كان الدنيا بقت كده في مصر

و ما تنساش انك هنا في المملكه الموضوع ده شائع و هذا ما يدعو للتوعية الدينية

بالرغم من الردع القاسي للجناة

المهم وحشتني يا حبيبي
يا سيدي ما تفهمنيش غلط

تحياتي; 30 مايو 2010 في 6:38 ص
شوكولاتة يقول...: يبعتوا معاه واحد من بتوع أمن الدولة
هع هع عهع

كده بقى البنت زي الولد ومن بخرة الصمح متتأخرش بعد الساعة عشرة ولو اتأخرت هحرمك من الخروج اسبوع
هههههههههههه

معلش يابني يعني هو اللي بيغتصب طفلة ده يبقى حاله اييييه; 30 مايو 2010 في 11:48 م
د. ياسر عمر عبد الفتاح يقول...: ابعت معاه مطوة قرن غزال; 31 مايو 2010 في 2:50 ص
لبنــــــــــى يقول...: طبعا انتعارف و سامع عن الموضوع بس اللي بيصدم انتشاره السريع في اماكن متفرقة
يعني لكل بني ادم شرط هادا اذا كان الشرطي نفسو الو امان

انا نسيت اقول مسا الخير
:); 2 يونيو 2010 في 12:42 ص
Me7'o يقول...: samy

أهم حاجة إن الواحد ما يتأخرش بالليل ولا يشرب حاجة صفرا

ههههههه

تحياتى; 3 يونيو 2010 في 1:46 م
Me7'o يقول...: فتاة أديبة من الصعيد

على رأيك صحيح
ولا نبعت حد مع حد
ولا حتى نبعت
حد مع اتنين

تحياتى; 3 يونيو 2010 في 1:47 م
Me7'o يقول...: حليب هارتى
أبو العريف باشا

إنت يا عم إنت جاى بتلقى بيان ولا إيه؟؟؟

حتى تخاريفك نشعت على التعليقات
هههههه

تحياتى ليك يا غالى; 3 يونيو 2010 في 1:49 م
Me7'o يقول...: احاسيس آيوشة

إنعدام الأخلاق والدين هيوصل بالناس تانى لفين؟؟

سؤال وجيه جداً

بس للأسف ماعنديش إجابة عليه

تحياتى; 3 يونيو 2010 في 1:51 م
Me7'o يقول...: واحدة مفروسة

زمان كنا بنقول

ربنا يستر على ولايانا (جمع ولية)

دلوقتى ممكن نقول

ربنا يستر على رجالتنا

تعليقك عندى إدانى مؤشر حلو إنك ممكن ترجعى تدونى تانى إن شاء الله وبلاش انسحاب

تحياتى; 3 يونيو 2010 في 1:55 م
Me7'o يقول...: رنونا "حكومة" ميخو

بصى يا حكومتى لاسمك وإقرأى تعليقك

وأنا بقى

لا تعليق

;) :))))

أجرى استخبى أنا بقى
هههههههههههه

تحياتى; 3 يونيو 2010 في 1:58 م
Me7'o يقول...: معلم الغرام
عصام علام

ههههههههههه
أوعى تفهمنى غلط
ههههههههههه

الغريبة يا دكتور فى المملكة هنا إنك تلاقى الناس مواظبة ع الصلاة فى الجامع وبره الجامع حاجة تانية خالص

تحياتى يا معلم الغرام; 3 يونيو 2010 في 2:01 م
Me7'o يقول...: شيكو ... شقيقتى

آنه آنه آنه

اللى بنعمله فى الناس هايطلع علينا ولا إيه

ههههههههه
وحشتينى يا شيكو; 3 يونيو 2010 في 2:02 م
Me7'o يقول...: د. ياسر عمر عبد الفتاح

يابن بلدى الحكاية مش طالبة قرون تانى
كفاية اللى الناس مركباها; 3 يونيو 2010 في 2:03 م
Me7'o يقول...: Jafra

أهلاً بأهل فلسطين وأهلاً وسهلاً فيكى

على رأيك والله ومش بعيد كمان تلاقى الشرطى كان واقفلهم على أول الشارع لحد ما يخلصوا

ربنا يستر علينا رجالة وستات

تحياتى; 3 يونيو 2010 في 2:05 م
دودو يقول...: ازيك ياميخو
كده برضه ؟
:((
يعنى اغيب اغيب ولماارجع اطل على مدونتك الاقى البوست ده
:((
يالا........
طيب وهو انت ماسمعتش عن السائح التونسى اللى اتخطف
ولا ولا.......
الدنيا مبقاش فيها امان
انت عاوز ايه يعنى من ناس بتتعاطى المخدرات ليل نهار وفى العلن وقال ايه بيقولوا قانون الطوارىء علشان المخدرات والارهاب
طيب وهو فيه اكتر من كده ارهاب
الدنيا اتقلب حالها والحياه بقت زى الغابه
والناس نفسها بقوا شكلهم غريب الا من رحم ربى
لاحول ولا قوه الا بالله
ربنا يستر

تحياتى ياميخو; 7 يونيو 2010 في 6:19 م
Me7'o يقول...: دودو

حمداً لله على السلامة وعودُ أحمدُ

أحسن كلمة قلتيها إن الدنيا بقت زى الغابة وهو ده الواقع فعلاً واللى بيحكمنا دلوقتى هو

"شريعة الغاب"

تحياتى; 7 يونيو 2010 في 10:42 م