ومنين بييجى الشجن … من إختلاف الزمن
ومنين بييجى الهوى … من إئتلاف الهوى
ومنين بييجى السواد … من الدموع والعناد
ومنين بييجى الرضا … من الإيمان بالقضا
من إنكسار الروح فى دوح الوطن … ييجى إحتضار الشوق فى سجن البدن
من إختمار الحلم ييجى النهار … يعود غريب الدار لأهل و سكن
ليه يا زمان مسبتناش أبرياء … وواخدنا ليه فى طريق ممنوش رجوع
أقسى همومنا يفجر السخرية … وأصفى ضحكة تتوه فى بحر الدموع
ولفين ياخدنا الأنين … لليالى ملهاش عينين
ولفين ياخدنا الحنين … لواحة الحيرانين
متسرسبيش يا سنينا من بين إيدينا … و لا تنتهيش ده إحنا يادوب إبتدينا
واللى له أول بكرة ح يبانله آخر … وبكرة تفرج مهما ضاقت علينا
ومنين بييجى الهوى … من إئتلاف الهوى
ومنين بييجى السواد … من الدموع والعناد
ومنين بييجى الرضا … من الإيمان بالقضا
من إنكسار الروح فى دوح الوطن … ييجى إحتضار الشوق فى سجن البدن
من إختمار الحلم ييجى النهار … يعود غريب الدار لأهل و سكن
ليه يا زمان مسبتناش أبرياء … وواخدنا ليه فى طريق ممنوش رجوع
أقسى همومنا يفجر السخرية … وأصفى ضحكة تتوه فى بحر الدموع
ولفين ياخدنا الأنين … لليالى ملهاش عينين
ولفين ياخدنا الحنين … لواحة الحيرانين
متسرسبيش يا سنينا من بين إيدينا … و لا تنتهيش ده إحنا يادوب إبتدينا
واللى له أول بكرة ح يبانله آخر … وبكرة تفرج مهما ضاقت علينا
.................
يا ترى إيه آخر الطريق؟؟؟؟
هناك 25 تعليقًا:
ايه ده
هو مفيش حد لسه جه
طيب طالما لحقت أول تعليق أروح أقرا بقى وأرحع طاااااااااااني
أقولك أنا بقى ايه نهاية الطريق
لما كابتن بلية يقولك حمد لله على سلامة الوصول لأرض الموكوسة وتنزل المطار وتلاقي صاروخ أرض جو كده جاي وبينط عليك وتلاقي الدنيا ضلمت وضهرك اتقطم يا كبدي عليك وحد بيقولك حمووووووودي حبيبي
تيجيلي بالسلامة يابطوط
انا باحب الاغنيه دي اوي
بس اول مره اقراها مكتوبه
نهاية طريقنا احنا معروفه منها واليها نعود
انما نهاية الدنيا العلم عند الله
طااااااااخ راحت وخلاص
هل هلالك شهر مبارك
اخيرا ظهرت
ايه الغيبه دي يا ميخو
واول سطرين كتبتهم توهوني قلت هو الثائر طب و حب
لقيتك لسه علي طريقك القديم و نفس المصطلحات المبعثرة بين السطور الوطن السجن غريب ابرياء همومنا يفجر انين ضاقت
يابني الكلام ده خلص من زمان الالفاظ اتغيرت بقي في التوريث و الترويث
من الروث
العولمه و المعلمه
الارهاب
واحشني يا جميل
تحياتي
اخر الطريق خير اكيد.... تفاءل الخير تجده
عود احمد .... وعقبال ما تعود لارض الوطن يا رب
تحياتي
فعلاً ليه يا زمان ما سبتناش ابرياء
عالاخرة طبعا
يعني هتاخدنا لفين؟
بحب الاغنية دي قوي وخصوصا ليه يا زمان ما سبتناش ابرياء بفتكر احمد عيد على طول :)
اغاني سيد حجاب معطمها حلو زى اغنية الحدود بتاعة فرقة الاصدقاء
ده تعليقي بالنسبة للاغنية ...
أما بخصوص عنوان البوست واخر جملة فيه فأفضل يكون بيننا ..
اخ ركبك بتخبط ...
معلش .. حكومة بقى :) :)
بس والله انفع اشتغل فى امن الدولة بحس فيا الموهبة دي
.................
يا ترى إيه آخر الطريق؟؟؟؟
هو ده آخر الطريق ، متهيألي انك جاوبت على نفسك
واللى له أول بكرة ح يبانله آخر … وبكرة تفرج مهما ضاقت علينا
شوكولاتة
أختى
شقيقتى
الله يسلمك ويخليكى ليا يا رب
صبرنى يا رب
أنا مش بحب الأغنية لإنى عمرى ما فهمت محمد الحلو بيقول إيه
هههههههه
بس بحب اللحن قوى ولما عرفت كلماتها حبيتها أكتر
وعلى فكرة
مراتى بتشكر فيكى قوى
بتقول عليكى ست بيت ممتازة
وبتسلم عليكى
تحياتى
أحوال الهوى
الدكتور اللى انا مكسوف منه ومكسوف إنى أكلمه علشان مقصر معاه جداً
أعمل إيه بس يا دكتور أنا لما قريت الجملة دى أثرت فيا قوى
"من إنكسار الروح فى دوح الوطن … ييجى إحتضار الشوق فى سجن البدن"
مصر وحشتنى قوى يا دكتور والله
فتاة من الصعيد
آخر الطريق ... خير أكيد
يا رب يكون كلامك صح
"واللى له أول بكرة ح يبانله آخر … وبكرة تفرج مهما ضاقت علينا"
بس أنا مش عارف هو اليوم اللى احنا عايشينه ده كام ساعة
ده يجيله بتاع خماشر تمناشر ساعة
لإن بكرة أخر قوى
تحياتى
مهندس مصرى
على رأيك والله يا هندسة ليه يا زمان ماسبتناش أبرياء وطلعتنا مهندسين علشان نتعامل مع مقاولين يتعبونا ويشلونا وليه يا زمن واخدنا ليه فى طريق ممنوش رجوع
تحياتى ليك يا أبو حميد
وألف مبروك
هانى: مصرى جداً
أصلى جداً
يعنى لما تكون نهاية الطريق الآخرة
طب احنا مش هانعدى على الدنيا وإحنا رايحين الآخرة ولا إيه
تحياتى
الحكومة
آهو كله كوم وأغنية الحدود دى كوم تانى خالص
الواحد والله قلبه بيتقطع كل ما يسمعها
وإنتى فاكرة إنى هخاف منك ولا إيه
لا يا ماما لا
أنا أسد
نيااااااااااااااااااااااو
الحاج شعبان
Sub-Zero
بص يا سيدى
أنا هاخاطب الزمان وأقله
لف وأرجع تانى
إيه البواخة دى
يا سلام يا سلام يا سلام
إمتى ييجى بكرة؟؟؟
تحياتى ونورتنى بزيارتك الكريمة
الاغنية دى رائعة
على فين بقى وخدانا الدنيا ؟
اكيد هتوصلنا اننا نقف امام الله
ونقدم كشف حساب
تحية ليك
Ms Venus
آهى الدنيا دى زى ما تكون العسكرى اللى مكلبش إيدينا فى إيديه علشان ما نهربش منه ومودينا للقاضى اللى هايحكم يإما بالبراءة ياإما بالـ......
ربنا يستر
نورتينى وشرفتينى بزيارتك
ليه؟؟
عشان هيا دي الدنيا...
انا بحب الاغنية دى جدا
تحس كده ان الكلمات دى استحالة حد يكتبها تانى فى الوقت الحالى
كانوا ناس دماغهم رايقة وبيعبروا صح
مش زى دلوقتى
الكلام ده بقى لرنونة :)
رنونة مرسيى لزيارتك للمدونة
الف مبروك على الجواز وربنا يسعدكم دايما يارب
وكلامك كله فى التعليق عندى صح جدا وانتى لخصتى التدوين واهل التدوين فى التعليق ده
وبصراحة يمكن انا فى بعض الاوقات كنت بكتب مواضيع ملهاش اى لزوم لمجرد انى ابقى موجودة
بس دلوقتى الملل بقى موجود عندى علشان نفسى بجد لما اكتب حاجة تبقى مفيدة
نورتى المدونة بجد بزيارتك
سيد حجاب
:)
اختيار رائع
كنت قبل كده عملت عليها أغنية اسمها ليالي الزملكاوية بس طبعا لا كلام يعلو على ليالي الحلمية
:)
تحياتي
يا راجل ليالى الحلميه بقى لها زمان
والبوست بقى له زمان
وانت غايب من زمان
ومنين يجينى الشجن .. من اختلاف الزمن
اخر الطريق هنعملة أحنا بأدينا
أحلى ما غنى محمد الحلو
شكرا
إرسال تعليق