حج مبرور وذنب مغفور

لبيك اللهم لبيك

عبيط القرية + تحديث

قرأت حوار فى المصرى اليوم مع العالم المصرى الدكتور محمد النشائى أستاذ علم الفيزياء والنانو تكنولوجى
والراجل ده يا جدعان أنا أسمع عنه من سنة 1990 يعنى بقرأ ليه مقالات من ساعة ما كنت فى الإعدادية كده والصراحة أنا بحترمه جداً والراجل يتمتع بشخصية جذابة جداً

اللى حصل بقى إن أنا بعد ما قرأت الحوار بتاعه فى المصرى اليوم نزلت علشان أشوف التعليقات ولقيت مصيبة كارثة بكل المقاييس

لقيت الناس اللى داخلة تعلق بتهاجم الراجل وبتشتم فيه وبتشكك فى قدراته ومؤهلاته وللأسف لقيت اللى بيشتموه دول دكاترة جامعة وأعتقد المصرى اليوم مشتركة معاهم فى كده لإنى بعت تعليق بأرد فيه غيبة الراجل وما أتنشرش

الكارثة بقى إنى لقيت تحالف على الراجل ده زى ما يكون لوبى مكرس وقته علشان مهاجمته لدرجة إنهم عملوا موقع مخصوص لمهاجمته وحملوا عليه صور خارجة
أنا مش عارف ليه بس اللى أعرفه عنه موجود فى اللينك ده
بغض النظر عن إنجازات الراجل ده وإمكاناته ومؤهلاته أنا يكفينى أحترمه علشان عائلته وأخواته اللى واحد منهم مدير معهد الزلازل بأمريكا والتانى عالم فى الهندسة الكيميائية وبناته الاتنين الأولى مهندسة والتانية طبيبة بيطرية يعنى العلم متأصل فى عائلته من زمان
الصراحة حاجة تحرق الدم

أحب أنقلكم بقى التعليق بتاع عبيط القرية د. مرزوق المصرى ومش هاغير فيه أى حاجة بس هاكتب الغلطات الإملائية فى تعليقه بلون مختلف وأسيبكم إنتوا بقى تحكموا عليه


النشائي و استمرار تقمص دور العالم
تعليق د . مرزوق المصرى تـاريخ ٧/١١/٢٠٠٩ ١٣:٢٢



الساده ه قراء المصري اليوم أنا باحث مصري في مجال الفيزيه النظريه حصلت علي

الدكتوره من ألمانيا في مجال الجسيمات الاوليه منذ اكثر من عشرة اعوام والان أنا

استاذ زاير لبعض الجاميعات اليابنيه والالمانيه. وفي خلال سنوات عملي في البحث

العلمي لم اجد بحث واحد محترم منشور في مجله محترمه للدكتور النشايي كل ابحاثه

منشوره في مجله انشأها الدكتور بماله الخاص لنفسه, بالأ ضافه لم اجد له منصب في

أي من المعاهد اللتي يذكرها. أما عن جايزة نوبل لم يقدم الدكتور مايفيد من أسماء

لموسسات علميه قامت بترشيحه مدعي انها سريه, نعم أنها سريه ولاكن بعد خمسة

عشرة عام من دوام الترشيح لاتعد سريه, وهذا ماجعل البعض لاطلاق عليه اطول مرشح

لجايزة نوبل. حضرت بعض المحاضرات التي كان يلقيها النشايي بمصر, ويلي هول

ماوجدت. فالدكتور لايتحدث في النظريات العلميه أو الظواهر الفيزيايه بل يتحدث عن

مواضيع عامه يتحدث بها أي شخص غير متخصص. وعندما يوجه له سوال علمي عن

نظرياته لايجيب بل يهرب من بالتحدث عن أشياء اخري ليس لها علاقه بالبحث العلمي..

وعندما يوجه له السوال الهام و هو "هل قام سيادته بنشر أي من نظرياته في أي من

المجلات العلميه التابعه للجمعيه الامريكيه للفيزياء يكون الرد بأنها جمعيات يهوديه

وعنصريه وتتطهضه لانه مسلم, علي الرغم من قيام العديد من الباحثين من العالم

الاسلامي ومن مصر بالنشره في هذه المجلات. ملحوظه الذي لاينشر في المجلات

العلميه التابعه للجمعيه الامريكيه للفيزياء يعد باحث غير مصنف فمابالكم بمن لاينشر في

المجلات العلميه التابعه للجمعيه الاوربيه اوحتي اليابانيه للفيزياء كالنشايي. الساده ه

قراء المصري اليوم دكتور النشايي يمتلك المال بالاضافه لموهبة تقمص دور العالم,

وللاسف استطاع بهتين الوصول لوسايل الاعلام والصحافه واستغلال بعض أعضاء من

الباحثين ضعفاء النفوس لنيل اصواتهم والقاب من جاميعاثهم. ان من مصر علماء نفخر

بهم ونسعد بانجازتهم وهم يعملون في هدوء في معا مليهم وتتحدث عنهم انجازاتهم في

المجلات و الاوساط العلميه المعروفه و المتميزه ولايتحدثون هم عن انفسهم في وسايل

الاعلام,فمن ابسط الاعتبار والشكر لهم ان نحميهم من هولاء من المدعين الذين

ييستغلون العلاقات والمال لادعاء شي لأنفسهم لأيمتلكونه. د . مرزوق المصرى

.

.

.

دكتور محمد النشائى

عذراً

تحديث

حد قرأ الخبر ده

هاهاهاهاهاهاهاهاهاهاهاااااااااااااااا